Nýtt ár hefst með fjöri!

Fjöldi gönguhópa, námskeiða og ferða verður í boði hjá Fjallafjöri á nýju ári. Smelltu á umfjöllun fyrir nánari upplýsingar.

Gönguhópar

Skráning er opin í þrjá gönguhópa Fjallafjörs, hver og einn með ólíku erfiðleikastigi.

Lágafell fer eina ferð í viku og er áhersla lögð á láglendisgöngur og rúman göngutíma. Gráðun 1.

Skyggnir gengur 20 ferðir á árinu 2022, 9 dagsferðir og 11 kvöldferðir. Gráðun 1-2.

Katla býður nýja þátttakendur velkomna á vorönn en framundan eru 14 spennandi ferðir! Gráðun 1-3.

Útiþrek Fjallafjörs býður upp á vikulegar æfingar á þriðjudögum undir leiðsögn sjúkraþjálfara og vikulegar morgungöngur á fimmtudagsmorgnum undir leiðsögn fararstjóra. Ræktaðu sál og líkama úti í náttúrunni!

Námskeið

Fjallafjör býður reglulega upp á námskeið af ýmsum toga.

Byrjendanámskeið Fjallafjörs er sex vikna námskeið þar sem þátttakendur kynnast útivist og fjallgöngum á fjölbreyttan hátt með ferðum, fræðslukvöldum og þjálfun.

Rötunarnámskeið Fjallafjörs er 12 stunda námskeið þar sem þátttakendur læra m.a. notkun GPS tækja, kortalestur, notkun áttavita en námskeiðið er bæði bóklegt og verklegt.

Myndatökur með farsímum er 15 stunda námskeið þar sem þátttakendur læra grunnatriði í ljósmyndun á borð við myndbyggingu, lýsingu, ljósop og lokahraða. Sérstök áhersla er lögð á ljósmyndun með notkun farsíma. Námskeiðið er bæði bóklegt og verklegt.

Ferðir

Skráning er opin í tvær ferðir Fjallafjörs en fjöldi ferða verður í boði árið 2022 - fylgstu með!

Prjónaferð í Lækjarbotna er fyrsta prjónaferð Fjallafjörs - en klárlega ekki sú síðasta. Gönguferðir, morgunverðarhlaðborð, kvöldvökur og prjónastundir í notalegum skála. Endurnærandi ferð í lok janúar. Gráðun 1.

Hvítasunnuáskorun Fjallafjörs er ferð fyrir þau sem vilja alvöru úthaldsgönguáskorun. Um er að ræða 45 kílómetra dagsferð með engri hækkun. Hér reynir á gönguþol og andlegan styrk - verðug áskorun um hvítasunnu! Gráðun 4.