Gengið með Guðmundi
Komdu með í ferð með Guðmundi, stofnanda Fjallafjörs!
Ókeypis þátttaka - kakó og kleinur eftir allar ferðir!
20. maí - Miðdegishnúkur
Miðdegishnúkur er uppáhalds tindur Guðmundar á Reykjanesskaga. Hæfilegt brölt, flottur toppur og geggjað útsýni sameinar þessa stórskemmtilegu kvöldgöngu.
Guðmundur tekur á móti ykkur í Hafnarfirði, allar nánari upplýsingar eru sendar í pósti til þátttakenda fyrir ferð.
Kakó og kleinur eftir ferð.
8. júní - Hrútagjá
Hrútagjá er ein af þessum perlum í nágrenni borgarinnar sem gaman er að heimsækja. Gengið er að hluta eftir gjárbrúninni, ofan í hana og með Reykjavegi og þátttakendur fá að sjálfsögðu fræðslu í léttum dúr um svæðið, fjöllin og gönguleiðir í kring.
Kakó og kleinur verða á sínum stað eftir ferð!
11. ágúst - Hópsnes
Saga Hópsness er samofin sögu Grindavíkur og sjávarháska. Guðmundur bjó í Grindavík ásamt fjölskyldu sinni um árabil þar til bærinn var rýmdur 10. nóvember 2023. Það er því von á áhugaverðum sögum í ferðinni, frá jarðhræringum, sjósköðum, mannbjörg í bland við skemmtisögur.
Guðmundur tekur á móti ykkur við Festi, allar nánari upplýsingar eru sendar í pósti til þátttakenda fyrir ferð.
Hafið með ykkur höfuðljós og keðjubrodda.
Kakó og kleinur eftir ferð.
