Hvítasunnuáskorun
Fjallafjörs 2024!
Taktu þátt í Hvítasunnuáskorun Fjallafjörs 2024! Spennandi og verðugri 45 kílómetra dagsgöngu með um 900 metra hækkun*. Gengið verður yfir Sveifluháls endilangan, um Krýsuvíkurgötu, yfir Núpshlíðarháls og um Reykjaveg að upphafsstað ferðarinnar.
Að göngunni lokinni verður boðið til grillveislu!
Verð: 15.900
Innifalið:
-Fararstjórn
-Undirbúningsferð
-Undirbúningsfundur
-Farangursflutningar
-Drykkjarstöðvar
-Grillveisla
Hvítasunnuáskorun Fjallafjörs er í samstarfi við:
.jpeg)
Ferðin
Leiðin liggur frá Sandfellsklofa upp á Sveifluháls og eftir honum endilöngum til suðvesturs. Þá er gengið um Krýsuvíkurgötu, fram hjá Latsfjalli og upp á Núpshlíðarháls og hann genginn í norðausturátt. Þegar komið er upp fyrir Grænavatn er haldið inn á Reykjaveg og honum fylgt langleiðina að upphafsstað ferðarinnar. Gönguleiðin er um 46 kílómetrar og hækkun um 900 metrar*. Stefnt er að því að ganga á laugardegi en sunnudagur og mánudagur hafðir til vara ef illa viðrar.
Undirbúningur
Þátttakendur þurfa að vera í góðu líkamlegu og andlegu formi og stunda reglubundna hreyfingu. Undirbúningsferð er innifalin og skyldumæting er í hana. Að auki er undirbúningsfundur sem allir þátttakendur verða að mæta á.
Erfitt?
Hvítasunnuáskorun Fjallafjörs er erfið. Vegalengdin er löng og við bætist hækkun. Gráðun ferðarinnar er 4 af 4 mögulegum. Fyrirkomulag ferðarinnar og undirbúningur er þó með þeim hætti að auðvelda þátttakendum að ljúka við áskorunina.
Akstur
Þátttakendur koma sér sjálfir að upphafsstað göngunnar við Sandfellsklofa. Brottför er klukkan 6:30. Um 15 mínútna akstur er frá Hafnarfirði að Sandfellsklofa.
trúss
Farangursflutningur er innifalinn í þátttökugjaldi. Þátttakendur fá 15 lítra kassa fyrir vistir sem hægt er að hafa í trússbíl sem aðgengilegar eru á nokkrum stöðum á leiðinni. Þetta minnkar burð á göngunni til muna.
Drykkjarstöðvar
Að auki eru tvær drykkjarstöðvar á leiðinni til að minnka vökvaburð til muna og auka líkur á að þátttakendur ljúki við áskorunina.
Teymið
Fararstjórateymi Hvítasunnuáskorunar Fjallafjörs hefur reynslu af skipulagningu og framkvæmd svo langra gönguferða. Ekki hika við að hafa samband við fararstjóra varðandi undirbúning ferðarinnar.
5. maí
Undirbúningsferð. Gengnir eru fjórir hringir um Bessastaðatjörn með hléi á 6,5km fresti.
Ganga hefst klukkan 9:00, mæting 10 mínútum fyrr.
13. maí
Undirbúningsfundur. Fundurinn er haldinn í verslun Hlaupár, Fákafeni 11. Þátttakendur njóta sérstakra afsláttarkjara á fundinum.
17.-19. maí
Hvítasunnuáskorun Fjallafjörs!
Gengið er á laugardegi en sunnudagur og mánudagur hafðir til vara ef illa viðrar. Brottför frá Sandfellsklofa er klukkan 6:30.
