Keilir '26-'27
Keilishópur Fjallafjörs hentar byrjendum og lengra komnum í fjölbreyttri og spennandi dagskrá sem spannar heilt starfsár - frá ágúst fram í júní.
Fyrstu helgina í september förum við í helgarferð vestur á firði þar sem gist er skammt frá Tálknafirði, Uppsalir Gísla heimsóttir og gengið yfir Selárdalsheiði. Tjaldsvæði er innifalið í þátttökugjaldinu. Ennfremur eru fleiri gistimöguleikar í nágrenni.
Hægt er að skipta greiðslum án kostnaðar og athugið að sum stéttarfélög styrkja félagsmenn sína til þátttöku í starfi Fjallafjörs.
Rík áhersla er lögð á liðsheild, samheldni, kærleika og gleði í öllum ferðum Fjallafjörs.
VERÐ: 89.900
Dagskráin er fjölbreytt og spennandi og ætti að heilla bæði byrjendur og lengra komna. Athugið að þó gráðun ferðanna sé 1-2 er erfiðleikastig ferðanna mjög vítt og finna má dagsferðir frá 10 kílómetrum upp í 20 kílómetra og kvöldferðir með þónokkurri hækkun. Því má segja að hópurinn henti þeim sem geta hreyft sig með góðu móti og tekist á við fjölbreyttar gönguleiðir á fjöllum. Óskir þú eftir nánari upplýsingum um Keilishópinn hvetjum við þig til þess að senda okkur línu á fjallafjor@fjallafjor.is.
Birt með fyrirvara um innsláttarvillur. Dagskrá getur tekið breytingum m.t.t. veðurs, utanaðkomandi þátta og óviðráðanlegra aðstæðna.
Með skráningu samþykkja þátttakendur skilmála Fjallafjörs sem nálgast má hér.
Verð: 89.900
Hvað er innifalið?
-Fararstjórn
-Rútur þegar við á
-Undirbúningsfundur
-Tjaldgisting í helgarferð
-Morgunmatur 2 daga í helgarferð
-Grillveisla á laugardagskvöldi í helgarferð
-Skráningargjöf að eigin vali
Helgarferð um Selárdalsheiði
Helgina 4.-6. september förum við í ferð vestur á firði. Við verðum með bækistöð á Kvígindisfelli þar sem aðstaða til útilegu er góð - og enn betri fyrir kvöldvökur og það stefnir í frábæra ferð!
Dagskrá ferðarinnar er í grófum dráttum þannig:
Föstudagur: Þátttakendur koma sér fyrir, kvöldsamvera í hlöðunni klukkan 20:30
Laugardagur: Morgunverður í hlöðunni milli 8:30 og 9:30. Brottför í ferð klukkan 10:00. Rúta ekur hópnum frá Tálknafirði í Selárdal. Gengið er að Uppsölum þar sem við fáum frásögn af Gísla, skoðum Uppsali og förum með bæn Gísla.
Gengið er yfir Selárdalsheiði, niður Krossadal og að náttstað.
Grillveisla og kvöldvaka í hlöðunni í beinu framhaldi af ferðinni.
Sunnudagur: Morgunverður í hlöðunni milli 9 og 10 og frágangur eftir mat. Brottför klukkan 11:00. Ekið verður í Bjarkalund og gengið á hin kyngimögnuðu Vaðalfjöll.
Tjaldsvæði er innifalið í þátttökugjaldinu en hægt er að leigja herbergi á Kvígindisfelli. Herbergin eru fá svo við hvetjum þátttakendur til þess að bóka strax á fjallafjor@fjallafjor.is
Fararstjórar Keilishópsins
Hvaða hóp á ég að velja?
Hvernig get ég borgað fyrir ferðirnar?
Hvernig eru ferðirnar gráðaðar?
Undirbúningsfundur
Allir hópar Fjallafjörs hefjast með undirbúningsfundi þar sem farið er yfir öryggismál, fatnað, búnað, næringu, fyrirkomulag dagskrárinnar og ferðanna sem og ýmis praktísk atriði.
Facebookhópur
Fjallafjör notar Facebookhópa til þess að bjóða í ferðir, á viðburði, miðla upplýsingum og þess háttar. Við hvetjum þátttakendur til þess að deila myndum og minningum úr ferðum í hópunum.
afslættir
Þátttakendur í Fjallafjöri fá afslætti hjá ýmsum verslunum. Skoðaðu afsláttarkjörin, sæktu þátttakendaskírteini í símann þinn og njóttu betri kjara.
Við fyrir þig
Fararstjórar Fjallafjörs eru boðnir og búnir til að aðstoða þátttakendur í hvívetna, hvort sem viðkemur notkun á búnaði, vali á dagskrá eða hverskonar ráðgjöf er varðar útivist og fjallgöngur. Hafði samband milli 9 og 17 virka daga eða ræddu við fararstjórann þinn í næstu ferð!