Þjálfun fararstjóra
Fjallafjör býður fararstjórum sínum upp á yfirgripsmikla þjálfun í fimm skrefum, þ.e. fararstjórn 1-3, skyndihjálp og rötun. Að þjálfun lokinni fá fararstjórar viðeigandi merkingu í umfjöllun sína á vefsíðu Fjallafjörs sem gildir í 24 mánuði eftir að þjálfun lýkur.
Að auki eru merkingar fyrir fararstjóra sem lokið hafa þjálfun skv. AIMG, þ.e. jöklaleiðsögn 1-3 og fjallaleiðsögn 1-2.
Hér er þjálfuninni gerð stutt skil.
Fararstjórn 1
Fararstjóri hefur lokið námskeiðinu "Fararstjórn 1" og hlotið þjálfun í undirbúningi, skipulagningu og framkvæmd ferða Fjallafjörs auk þjálfunar í stjórnun á vettvangi slysa. Ennfremur kynnt sér gæðahandbók, verkferla, siðareglur, gátlista og viðbragðsáætlanir Fjallafjörs og sýnt fram á yfirgripsmikla þekkingu á efnistökum námskeiðisins.
Fararstjórn 2
Fararstjóri hefur lokið námskeiðinu "Fararstjórn 2" og hlotið þjálfun í hópstjórn, framsögu og leiðtogaþjálfun og sýnt fram á yfirgripsmikla þekkingu á efnistökum námskeiðisins.
Fararstjórn 3
Fararstjóri hefur lokið námskeiðinu "Fararstjórn 3" og hlotið þjálfun í aðstoð í brattlendi, hættumat umhverfis, grunn línuvinnu, uppsetningu trygginga, sig, júmm broddatækni og sprungubjörgun og sýnt fram á yfirgripsmikla þekkingu á efnistökum námskeiðisins.
Rötun
Fararstjóri hefur lokið námskeiðinu "Rötun" og hlotið þjálfun í kortalestri, notkun áttavita, gps tækja og kynnt sér undirstöðuatriði í rötun og gps tækni og sýnt fram á yfirgripsmikla þekkingu á efnistökum námskeiðisins.
Skyndihjálp
Fararstjóri hefur lokið námskeiðinu "Skyndihjálp í óbyggðum" og hlotið þjálfun í almennri skyndihjálp sem og sérhæfðri skyndihjálp og viðbrögð við óhöppum í óbyggðum og sýnt fram á yfirgripsmikla þekkingu á efnistökum námskeiðisins.
Jökla 1
Fararstjóri hefur lokið námskeiðinu "Jöklaleiðsögn 1" á vegum AIMG (Félag fjallaleiðsögumanna á Íslandi) og sýnt fram á þjálfun sína með skírteini útgefnu af AIMG.
Nánari upplýsingar hér: http://aimg.is/glacier1/