Hekla
Heklu- og Kötluhópar Fjallafjörs eru systurhópar. Dagskráin er að mestu sú sama en ferðast er á öðrum dögum. Hekluhópurinn hentar þeim sem þegar hafa tekið sín fyrstu skref í fjallgöngum og útivist og eru tilbúin að takast á við lengri og meira krefjandi ferðir. Dagskráin hentar því lengra komnum í fjölbreyttri og spennandi dagskrá sem spannar heilt starfsár - frá ágúst 2021 fram í júní 2022 en athugið að ekki er um afrekshópa að ræða og að hóparnir ganga ekki í línum.
Rík áhersla er lögð á liðsheild, samheldni, kærleika og gleði í öllum ferðum Fjallafjörs.
Fullbókað er í Hekluhópinn.
Dagskrá hekluhópsins
Dagskráin er fjölbreytt og spennandi og erfiðleikastig ferðanna mjög vítt. og finna má dagsferðir frá 10 kílómetrum upp í 20 kílómetra og kvöldferðir með þónokkurri hækkun. Því má segja að hópurinn henti þeim sem geta hreyft sig með góðu móti og tekist á við fjölbreyttar gönguleiðir, talsverðar vegalengdir og hækkanir á fjöllum. Óskir þú eftir nánari upplýsingum um Hekluhópinn hvetjum við þig til þess að senda okkur línu á fjallafjor@fjallafjor.is.
Birt með fyrirvara um innsláttarvillur. Dagskrá getur tekið breytingum m.t.t. veðurs, utanaðkomandi þátta og óviðráðanlegra aðstæðna.
Með skráningu samþykkja þátttakendur skilmála Fjallafjörs sem nálgast má hér.
