Leiðtogar óskast

Fjallafjör óskar eftir öflugum fararstjórum í eftirfarandi verkefni:

Fararstjóri í Fjölskyldufjör

Fjölskyldufjör Fjallafjörs er, eins og nafnið gefur til kynna, ferðahópur fyrir alla fjölskylduna. Ferðirnar eru einu sinni í mánuði og eru afar fjölbreyttar - hjólaferðir, gönguferðir, páskaeggjaleit og jólaævintýri svo eitthvað sé nefnt.

Fararstjóri í fjallgöngur

Fjallafjör stendur fyrir vel á annað hundrað gönguferðum á ári hverju af fjölbreyttu erfiðleikastigi. Við viljum þétta raðinrar og bjóða nýjan fararstjóra velkominn í Fjörskylduna - fararstjórateymi Fjallafjörs.

Við val á nýjum fjörskyldumeðlimi er horft til eftirfarandi þátta:

• Framúrskarandi leiðtogahæfileikar

• Framúrskarandi samskiptahæfileikar

• Frumkvæði í starfi og samskiptum

• Fjalla- og ferðareynsla

• Færni í rötun og notkun GPS tækja

• Jákvætt viðhorf og hlýtt viðmót

• Rík öryggisvitund

• Kærleiksrík sýn á lífið, fjölbreytileika og fólk

• Metnaður til þess að skapa liðsheild, samhent og vingjarnlegt andrúmsloft

• Óbilandi ást á íslenskri náttúru

• Reynsla af fjallgöngum og útivist

• Hreint sakavottorð

Umsækjendur þurfa að hafa náð 20 ára aldri.

Við bjóðum:

-Kærleiksríkt og metnaðarfullt starfsumhverfi

-Reglubundna þjálfun í rötun, skyndihjálp, fararstjórn og leiðtogaþjálfun

-Frábæra ferðafélaga

-Stórkostlegt samstarfsfólk (www.fjallafjor.is/teymid) 

Umsóknir óskast sendar á netfangið fjallafjor@fjallafjor.is.

Umsóknarfrestur er til 15. september 2024.

Nánari upplýsingar veita Guðmundur og Kristey í síma 497-0090.