top of page

Fjallafjör á Styrkleikunum

Vertu með í liði Fjallafjörs á Styrkleikunum 2022!

Fjallafjör er styrktaraðili Styrkleikanna 2022 og tekur einnig þátt í Styrkleikunum með liði sem gengur með boðhlaupskefli í sólarhring, frá hádegi 30. apríl til hádegis 1. maí, sem er táknrænt fyrir það að engin hvíld fæst frá krabbameini. Tilgangur Styrkleikanna er að styðja við, heiðra eða minnast þeirra sem fengið hafa krabbamein.


Fjallafjör verður með tjald, veitingar og stemmingu á Styrkleikunum 2022 og öllum er velkomið að vera með og skrá sig í lið Fjallafjörs hér: https://www.krabb.is/styrkleikarnir/taka-thatt/


Hvernig virkar þetta?

-Þú skráir þig í lið Fjallafjörs

-Liðsstjóri Fjallafjörs hefur samband við þig og þið finnið í sameiningu þann tíma sem þig langar að vera á Styrkleikunum

-Þú mætir á Selfoss og tekur þátt í að halda boðhlaupskefli Styrkleikaliðs Fjallafjörs á hreyfingu


Fyrir hverja eru Styrkleikarnir?

Styrkleikarnir eru fyrir öll þau sem vilja sýna þeim sem fengið hafa krabbamein stuðning, heiðra þau eða minnast þeirra. Styrkleikarnir eru fjölskylduvænn viðburður og engin kvöð er á því hversu mikið þarf að ganga - aðal málið er að mæta að sýna krabbameinsgreindum stuðning - í einn stuttan hring eða í einhverja klukkutíma - þitt er valið!


Hvað þarf ég?

Þægilega skó, gott skap og kannski smá nesti. Fjallafjör verður með ýmislegt matarkyns í tjaldinu en ef það er eitthvað sem ykkur langar sérstaklega í eða ef séróskir, óþol eða ofnæmi eru tengd fæðu væri gott ef þið takið með ykkur eitthvað gott svo þið verðið örugglega ekki svöng :) Einnig verður matarsala á vegum Styrkleikanna á svæðinu allan sólarhringinn.


124 views0 comments

Recent Posts

See All

تعليقات


bottom of page