Fjölskyldufjör leikskólans Króks

Íþróttavika Evrópu (European Week of Sport) fer fram 23. – 30. september ár hvert í yfir 30 Evrópulöndum. Markmiðið með Íþróttaviku Evrópu er að kynna íþróttir og almenna hreyfingu um alla Evrópu og sporna við auknu hreyfingarleysi meðal almennings. Grindavíkurbær er þátttakandi í vikunni í ár og er stefnt að því að bjóða upp á fjölbreytta viðburði þessa daga.

Af því tilefni bjóða Heilsuleikskólinn Krókur og Fjölskyldufjör Fjallafjörs  fjölskyldum nemenda og starfsfólks Króks í skemmtilega fjölskylduferð um Sólbrekkuskóg þriðjudaginn 26. september klukkan 17:00. Í lok ferðarinnar verður boðið upp á veitingar. Þátttaka er ókeypis en skrá verður þátttöku í ferðina fyrir hádegi mánudaginn 25. september. 

Hægt er að leggja bílum á bílastæði við Seltjörn og ganga að skóginum, sjá hér: https://www.google.com/maps/dir//63.9474901,-22.4344218/@63.9470352,-22.4336651,450m/data=!3m1!1e3!4m2!4m1!3e0?entry=ttu