RAFHJÓLAFJÖR
Fjallafjör býður upp á spennandi rafhjólahóp 2026 með kvöldferðum, dagsferðum og helgarferð.
Viðraðu magnaða fákinn og komdu með í skemmtilegar hjólaferðir með Fjallafjöri. Hér er áherslan á að njóta samverunnar í náttúrunni og þess skemmtilega ferðamáta sem rafhjólin bjóða uppá. Hægt er að skipta greiðslum án kostnaðar og athugið að mörg stéttarfélög styrkja félagsmenn sína til þátttöku í starfi Fjallafjörs. Hafið samband á netfangið fjallafjor@fjallafjor.is til að skipta greiðslum. Rík áhersla er lögð á liðsheild, samheldni, kærleika og gleði í öllum ferðum Fjallafjörs.
Verð: 99.900
DAGSKRÁ RAFHJÓLAFJÖRS
Dagskráin er fjölbreytt og spennandi. Dagskráin samanstendur af 14 ferðum ferðum auk undirbúningsfundar - 6 dagsferðum, 7 kvöldferðum og helgarferð í Flateyjardal með skálagistingu. Engar æfingar eru í dagskránni heldur eingöngu ferðir þar sem við njótum samveru, náttúru og góðra nestistíma. Þátttakendur þurfa að geta flutt hjól sín á milli staða en ávallt er ferðast á einkabílum.
Fjallafjör hvetur þátttakendur eindregið til þess að nota hjálma.
Ferðirnar eru mjög fjölbreyttar sem og erfiðleikastig þeirra en heilt yfir má segja að hópurinn henti flestum sem á annað borð geta notið ferðalaga á rafhjólum og geta hjólað eftir slóðum. Ferðirnar eru allajafna á bilinu 20-60 kílómetrar. Óskir þú eftir nánari upplýsingum um Rafhjólafjör hvetjum við þig til þess að senda okkur línu á fjallafjor@fjallafjor.is.
Birt með fyrirvara um innsláttarvillur. Dagskrá getur tekið breytingum m.t.t. veðurs, utanaðkomandi þátta og óviðráðanlegra aðstæðna. Eins getur dagskráin breyst með hliðsjón af verndun náttúrunnar, s.s. ef mikil aurbleyta er og hætta er á að hjólandi umferð valdi varanlegum skaða.
Með skráningu samþykkja þátttakendur skilmála Fjallafjörs sem nálgast má hér.
HELGARFERÐ Í FLATEYJARDAL
Það verður sannkallað Rafhjólafjör helgina 29.-30. ágúst 2026 þegar við leggjum land undir fót og höldum á vit ævintýranna. Lagt verður af stað frá Hofi á Akureyri klukkan 10:00 þar sem trússi er komið fyrir í trússbíl og ekið að afleggjara í Fnjóskadal. Þaðan er hjólað að Hofi í Flateyjardal þar sem við gistum um nóttina. Ef aðstæður leyfa tökum við aukarúnt að Víkurvatni og á Víkurhöfða.
sunnudegi er hjólað til baka.
Innifalið:
-Fararstjórn
-Skálagisting
-Trúss
Hægt er að kaupa ferðina staka fyrir 39.900 krónur.
HVERNIG HJÓL?
Flest rafhjól ráða vel við ferðirnar okkar en gott er að hafa eftirfarandi viðmið til hliðsjónar:
-Tog mótors yfir 60 nm
-Breidd dekkja yfir 50mm (2")
-Raundrægni rafhlöðu 50km
-Framdempari
Sendu okkur línu ef þú ert í vafa með þitt hjól og við aðstoðum eftir bestu getu!
Undirbúningsfundur
Allir hópar Fjallafjörs hefjast með undirbúningsfundi þar sem farið er yfir öryggismál, fatnað, búnað, næringu, fyrirkomulag dagskrárinnar og ferðanna sem og ýmis praktísk atriði.
Facebookhópur
Fjallafjör notar Facebookhópa til þess að bjóða í ferðir, á viðburði, miðla upplýsingum og þess háttar. Við hvetjum þátttakendur til þess að deila myndum og minningum úr ferðum í hópunum.
Afslættir
Þátttakendur í Fjallafjöri fá afslætti hjá ýmsum verslunum. Skoðaðu afsláttarkjörin, sæktu þátttakendaskírteini í símann þinn og njóttu betri kjara.
Hvaða hóp á ég að velja?
Hvernig get ég borgað fyrir ferðirnar?
Hvernig eru ferðirnar gráðaðar?
