Dagskrárkynning - Gönguhópar

Fjallafjör býður upp á hnitmiðaða dagskrárkynningu á Lágafelli, Meðalfelli, Keili og Kötlu en þessir hópar eru meðal þeirra sem hefjast haustið 2022.

Lágafell

Lágafellshópur Fjallafjörs hentar í senn byrjendum og þeim sem vilja fara í styttri ferðir og gefa sér rúman tíma í að njóta þeirra.  Lítill stígandi er í dagskránni sem miðar að því að sem flest geti tekið þátt, sama hvort þau séu að stíga upp úr sófanum eftir allnokkra kyrrsetutíð eða vilja taka þátt í rólegum ferðum þar sem áherslan er á að njóta samveru og náttúru - sama hver ástæðan er. 12 ferðir og undirbúningsfundur: 29.900 krónur, nánari upplýsingar hér: https://www.fjallafjor.is/lagafell

Meðalfell

Meðalfell er tíu ferða dagskrá sem endar með spennandi dagsferð í rútu og er kostnaður vegna rútuferðarinnar innifalinn í þátttökugjaldi.  Gengið er einu sinni í viku.  Gráðun ferðanna er 1-2 og í öllum ferðum er þónokkur gönguhækkun en að hámarki 400 metrar. Verð: 34.900, nánari upplýsingar hér: https://www.fjallafjor.is/medalfell

Keilir

Keilishópur Fjallafjörs hentar byrjendum og lengra komnum í fjölbreyttri og spennandi dagskrá sem spannar heilt starfsár - frá ágúst fram í júní.

Nokkur stígandi er í dagskránni sem miðar að þeim sem eru skemur á veg komin í fjallgöngum og útivist þó vissulega séu krefjandi ferðir á dagskrá. 20 ferðir og undirbúningsfundur: 62.900, nánari upplýsingar hér: https://www.fjallafjor.is/keilir

Katla

Kötluhópurinn hentar þeim sem þegar hafa tekið sín fyrstu skref í fjallgöngum og útivist og eru tilbúin að takast á við lengri og meira krefjandi ferðir.  Hópurinn er systurhópur Hekluhópsins, dagskráin sambærileg og margar ferðir sameiginlegar.  Dagskráin hentar því lengra komnum í fjölbreyttri og spennandi dagskrá.

Undirbúningsfundur og 20 ferðir, þ.m.t. helgarferð í Þakgil: 74.900, nánari upplýsingar hér: https://www.fjallafjor.is/katla