Snæfellsjökull - hægferð 9. maí

Sérferð HÆGFERÐ á Snæfellsjökul þann 9. maí 2026.
 
Athugið að í þessa ferð er nauðsynlegt að vera með viðurkenndan jöklabúnað, þ.e. jöklabrodda, ísexi, klifurbelti og læsta karabínu. Þennan búnað er hægt að leigja í öllum helstu útivistarverslunum en einnig hjá Fjallafjöri. 15% afsláttur er veittur af leigðum búnaði ef hann er leigður fyrir ferðir Fjallafjörs og ekkert leigugjald er rukkað ef ferð fellur niður.
 
Dagskrá ferðarinnar:
Brottför frá Stapafelli er klukkan 8:00. Mælt er með að koma vestur kvöldið áður.
Gengið er upp að jökulrönd þar sem farið er í línu.  Þá er gengið á jökulinn en um er að ræða nokkuð snarpa hækkun en ekki mjög langa vegalengd.  Gönguhraði tekur mið af færð og getu hópsins en í þessari ferð er reiknað með lengri uppgöngutíma. 
 
Áætluð hækkun er á bilinu 900-1.100 metrar
Áætluð vegalengd er á bilinu 9-12 km. (fer eftir færð)
 
Hægt er að greiða fyrir ferðina með ferðaávísun stéttarfélaga.
Hægt er að leigja jöklabúnað fyrir 5.100 krónur (jöklabroddar, ísexi, belti og karabína) og bæta því við pöntunina á meðan birgðir endast.
 
Með skráningu samþykkja þátttakendur skilmála Fjallafjörs / Hugsjónar ehf.