Kerlingarfjöll
Fannborg - Snækollur - Ásgarðsfjall
Fjallafjör býður upp á skemmtilega ferð í Kerlingarfjöll í sumar. Skráðu þig í ferðina og vertu með!
Fjallafjör býður upp á ferð í Kerlingarfjöll dagana 28. - 30. júlí 2024.
Viltu bóka sérferð? Sendu okkur línu á fjallafjor@fjallafjor.is
Verð með tjaldgistingu: 44.900
Athugaðu hvort stéttarfélagið þitt bjóði upp á niðurgreidda ferðaávísun hjá Fjallafjöri og skelltu þér með í skemmtilega ferð á hagkvæmu verði!
Dagskrá ferðarinnar
Dagur 1
Ferð okkar hefst á efra bílaplaninu við Gullfoss þann 28. júlí en brottför þaðan ef klukkan 12:00. Ekið er á einkabílum um Kjalveg að Kerlingarfjöllum og á leiðinni er stoppað á nokkrum stöðum, m.a. á Bláfellshálsi og við Gýgjarfoss.
Þegar komið er í Ásgarð sláum við upp tjaldbúðum og gerum okkur klár fyrir göngu dagsins að Hveradölum og um Ásgarðsgljúfur.
dagur 2
Ekið er eftir jeppaslóða í átt að fjöllunum að bílaplani þar sem gangan hefst. Gengin er falleg hringleið þar sem hápunktur dagins verður á Fannborg og Snækolli en sá síðarnefndi er hæsti tindur Kerlingarfjalla og báðir á lista yfir 100 hæstu tinda landsins.
dagur 3
Eftir morgunverð er boðið upp á létta liðleikagöngu á Ásgarðsfjall þar sem harðsperrurnar verða gengnar úr kroppnum fyrir heimför. Hvíld, slökun og teygjur verða samofnar ferðinni sem lýkur á notalegum nótum.
Frávik
Í ferð sem þessari er margt sem getur haft áhrif á dagskrá og tímasetningar.
Undirbúningsfundur
Undirbúningsfundur fyrir þátttakendur er haldinn um viku fyrir brottför. Dagsetning auglýst síðar.
Gisting og aðbúnaður
Gist er í tjöldum og eru tjaldsvæðagjöld innifalin í þátttökugjaldi. Einnig er boðið upp á kvöldhressingu bæði kvöldin.
Á svæðinu er nýtt þjónustuhús sem hentar vel til eldamennsku, skjóls, matartíma og þess háttar. Auk þess eru þar salerni, sturtur og útigrill.
Þátttakendur njóta afsláttarkjara í búnaðarleigu Fjallafjörs ef áhugi er á að leigja tjöld til ferðarinnar.
