Hornstrandir 2027 – 22.–26. júlí
Snemmskráning – 89.900 kr.
Sparaðu 20.000 kr. með því að bóka fyrir 1.12.2026.
Tryggðu þér fimm daga Hornstrandaferð á snemmskráningarverði. Almennt verð er 109.900 kr. Snemmskráning greiðist að fullu í einu lagi við bókun.
Veldu „Snemmskráning – 89.900 kr.“ í greiðsluvalinu og bókaðu ferðina.
22.–26. júlí 2027 · Fimm dagar · Fjórar nætur í tjöldum
Komdu með Fjallafjöri í fimm daga gönguferð um Hornstrandir. Við göngum á hóflegum hraða og gefum okkur góðan tíma fyrir pásur, myndatökur, söguslóðir og samveru. Leiðin liggur frá Hesteyri um vestanverða Aðalvík og áfram að Látrum, með dagsgöngum á Darra og Straumnesfjall.
Fyrstu tvær næturnar tjöldum við við Gamla skóla í Vestur-Aðalvík og síðari tvær á Látrum. Áætlaðar dagleiðir eru 10–18 km; lengsti dagurinn er gangan á Straumnesfjall.
Verð og greiðsluleiðir
- Snemmskráning fyrir 1.12.2026: 89.900 kr. á mann. Greiðist í einu lagi við bókun. Sparnaður er 20.000 kr. Snemmskráningarverðið gildir eingöngu þegar ferðin er greidd að fullu - greiðsla staðfestingargjalds tryggir ekki snemmskráningarverð.
- Fullt verð: 109.900 kr. á mann. Greitt að fullu við bókun, hægt að skipta greiðslum.
- Staðfestingargjald: 27.475 kr. á mann. Greitt við bókun og dregst frá fullu verði. Eftirstöðvar eru 82.425 kr. Staðfestingargjaldið er hluti af heildarverðinu, ekki verð allrar ferðarinnar, og fæst ekki endurgreitt.
Veldu greiðsluleið í fellivalinu áður en þú setur ferðina í körfu. Upphæðin sem birtist fyrir valda leið er sú sem greiðist núna. Magn 1 gildir fyrir einn þátttakanda.
Dagskrá og gönguvegalengdir
Dagur 1 · 22. júlí — Hesteyri og Vestur-Aðalvík
13–14 km · Hækkun 300–350 mSiglt er á Hesteyri og minjar hvalstöðvar Norðmanna skoðaðar. Þaðan göngum við til Sæbóls í vestanverðri Aðalvík og framhjá Staðarkirkju, þar sem atriði úr kvikmyndinni Börn náttúrunnar voru tekin. Myndin var tilnefnd til Óskarsverðlauna. Við sláum upp tjaldbúðum við Gamla skóla til tveggja nátta.
Dagur 2 · 23. júlí — Búðarnes, Darri og Skáladalsbjarg
12–13 km · Hækkun 550–600 mGengið er á Búðarnes og síðan á Darra, þar sem herminjar verða skoðaðar og horft yfir Rytaskörð. Leiðin liggur um Skáladalsbjarg og til baka að tjaldbúðunum við Gamla skóla.
Dagur 3 · 24. júlí — Hyrningsgata, Miðvík og Látrar
10–11 km · Óveruleg hækkunEftir morgunmat göngum við frá tjaldbúðum um Vestur-Aðalvík og fyrir Hvarfnúp um Hyrningsgötu. Brottfarartími tekur mið af sjávarföllum. Gengið er í Miðvík, um Miðvíkursand og fyrir Mannfjall að Látrum, þar sem tjöldum er komið fyrir til tveggja nátta. Að því loknu göngum við um Látra.
Dagur 4 · 25. júlí — Straumnesfjall og Rekavík
17–18 km · Hækkun 550 mGengið er á Straumnesfjall og herminjar skoðaðar. Við göngum eftir fjallinu og niður í Rekavík bak Látur, með Rekavíkurvatni og aftur að Látrum.
Dagur 5 · 26. júlí — Lokasamvera og heimferð
Við göngum frá tjaldbúðum og eigum lokasamveru. Siglt er frá Látrum um hádegisbil.
Dagskrá og tímasetningar geta breyst vegna veðurs, sjávarfalla og siglingaaðstæðna.
Greiðslur og bókun
Greiðsluleiðin sem þú velur ákvarðar upphæðina í körfunni. Við greiðslu staðfestingargjalds, 27.475 kr., standa eftir 82.425 kr. af fullu verði. Upplýsingar um greiðslu eftirstöðva fást hjá Fjallafjöri.
Snemmskráningarverð, 89.900 kr., er aðeins í boði fyrir 1.12.2026 og greiðist að fullu í einu lagi.
Fyrirspurnir
Fyrir upplýsingar um búnað, farangur og ferðatilhögun: fjallafjor@fjallafjor.is eða 497 0090.
