lokaferð heklu og kötlu

Fjallafjör býður þátttakendum í Heklu og Kötlu upp á lokaferð í Hólaskóg helgina 1.-3. júlí 2022.  Hægt er að velja um gistingu í skála eða í tjaldi.  Verði hefur verið stillt í hóf en innifalið er dagskrá, fararstjórn, gisting, morgunverður báða dagana og grillveisla að kvöldi laugardags.  Ferðaáætlun tekur mið af veðri en meðal þess sem verður skoðað eru Gjáin, Háifoss og Granni svo eitthvað sé nefnt.

Verð með tjaldgistingu: 20.900 - verð með skálagistingu: 28.900

Lokaferð Heklu og Kötluhóps Fjallafjörs

Lokaferðin í ár verður helgarferð í Hólaskóg helgina 1. - 3. júlí 2022.  Lagt verður af stað á eigin bílum frá Hádegismóum á föstudegi klukkan 17:00 og ekið að Hólaskógi, um 130 km.  Á leiðinni verður stutt stopp á Selfossi.  Þátttakendur koma sér fyrir og grillin verða heit.

 

Við eigum saman notalega kvöldstund og klukkan 21:00 hefst kvöldsamvera í matsal skálans.

 

Gengið verður bæði laugardag og sunnudag og tekur göngudagskrá mið af veðri.  Meðal þeirra perla sem skoðaðar verða eru Háifoss, Granni, Stöng, Gjáin og Gjáarfoss.

 

Á laugardegi verður boðið upp á fjallagraut og lýsi milli klukkan 8 og 8:45.  Brottför er á bankatíma, 9:15.  Sameiginlegur kvöldverður er á laugardagskvöldi og er áætlað borðhald klukkan 18:30.  Kvöldvaka hefst klukkan 20:30 og stendur til klukkan 23:00.  

 

Á sunnudegi verður boðið upp á fjallagraut og lýsi milli klukkan 8 og 8:45.  Brottför er á bankatíma, 9:15.  Að göngu lokinni er gengið frá skálanum í topp ástandi.  Lokasamvera er 30 mínútum fyrir brottför en hún tekur mið af göngudagskrá.  Miðað er við að heimkoma í Reykjavík sé milli 16 og 19.

 

Eftirfarandi er innifalið í skráningu á þennan viðburð:

-Skálagisting

-Morgunverður báða daga

-Kvöldverður á laugardegi